Fór á fund á Norðfirði í gærkveldi þar sem átti að ræða æfingu sem var um helgina og áætlaða fjallaferð um næstu helgi. Þegar búið var að ræða æfinguna og hvað þarf að bæta (fjarskipti og skyndihjálp) og byrjað var á helgarferðinni kom strákur inn og sagði að þak væri að fjúka af nálægu húsi. Þarna ákvað ég að koma mér heim á meðan skarðið væri enn fært, þurfti að fara gamla veginn þar sem verið var að vinna í göngunum. Þegar ég talaði við formanninn um ellefu leitið um kvöldið var búið að bjarga því sam bjargað varð af húsinu og hann bjóst við að menn færu að tínast heim fljótlega. Heyrði síðan í útvarpinu í morgun að þeir komust ekki heim fyrr en um 7 í morgun.
Hérna á Reyðarfiði hefur þetta verið rólegt þrátt fyrir rok og rigningu. Það er byrjað að hausta því í morgun var farinn að koma krapi Fagradal og heiðar. Í Oddskarði var farið að grána núna áðan en í morgun var allt autt. Set hérna með mynd af fyrsta vetrarsnjónum.
Mamma og pabbi eru komin heim frá Lúxemborg, voru mjög ánægð með ferðina heyrðist mér.
kv
Magnús
Engin ummæli:
Skrifa ummæli